|
N.Tusi adına Klinika – müasir, geniş profilli
müalicə-diaqnostika müəssisəsidir. Klinikanın
mütəxəssislərinin yüksək kvalifikasiyası və dərin təcrübəsi,
dünyanın aparıcı istehsalçılarının müasir tibbi
avadanlıqları, istənilən mürəkkəb kliniki məsələnin həllini
həyata keçirməyə imkan yaradır.
N.Tusi adına Klinikanın poliklinika şöbəsində
kardiologiya,
ginekologiya, koloproktologiya,
endokrinologiya,
qastroenterologiya,
urologiya, andrologiya,
dermatologiya, otolorinolarinqologiya üzrə ambulator qəbul
aparılır. Qəbulu ali dərəcəli həkimlər, tibb elmləri
namizədləri və doktorları aparır.
Müasir diaqnostik aparatlar qısa bir müddət ərzində dəqiq
diaqnoz qoymağa və vaxtında müalicəyə başlamağa imkan
yaradır. Klinikamızın müxtəlif ixtisaslardan olan
həkimlərinin birgə fəaliyyəti pasiyentlərin problemlərini
kompleks şəkildə həll etməyə imkan verir.
Klinikamızın diaqnostik bazası tibbi görüntüləmə mərkəzi –
rəqəmli rentgen aparatı,
kompüter və maqnit-rezonans
tomoqrafı, videoendoskopik aparatlar ilə təchiz olunmuşdur.
Ultrasəs diaqnostikası kabinetinin avadanlıqları nəinki
daxili orqanların yüksək keyfiyyətli təsvirlərini almağa
imkan verir, eyni zamanda orqanlarda qan dövranı, döl
barəsində də dəqiq informasiya verir.
3D/4DUSM vasitəsilə
dölün inkişafı, daxili orqanlarının quruluşu haqqında
ətraflı məlumat almaq olar.
N.Tusi adına Klinikanın laboratoriyasında geniş spektrli
müayinələr – ümumi kliniki, hematoloji, biokimyəvi,
immunoloji, mikrobioloji, sitoloji, tibbi-genetik analizlər
aparılır. Tam avtomat avadanlıqlar, yüksək keyfiyyətli
reaktiv və test sistemlərin istifadəsi diaqnostik
müayinələrin keyfiyyətini bir qədər də artırır. Burada real
zaman daxilində hibridizasion-flüoressent deteksiya üsulu
ilə polimeraz-zəncirvarı reaksiyalar aparılır.
Cərrahiyyə – klinikamızın əsas fəaliyyət istiqamətlərindən
biridir. Döş və qarın boşluğunda aparılan endoskopik
əməliyyatlar cərrahi xidmətin əsas prioritetlərindəndir. Bu
əməliyyatların bir çoxu ölkəmiz üçün unikal hesab olunur.
Bununla yanaşı klinikamızda bir çox ənənəvi açıq operativ
müdaxilələr aparılır.
N.Tusi adına klinikanın həyata keçirdiyi cərrahi
xidmətlərin əsas xüsusiyyətləri aşağıdakılardır:
- Dünya standartlarına cavab verən, son nəsil cərrahi
avadanlıqlar ilə təchiz olun muş əməliyyat bloku.
- Türkiyə, Rusiya, İsrail və digər Avropa ölkələrinin
aparıcı klilnikalarında təcrübə keçmiş professional
cərrahlar.
- Karl Storz (Almaniya) istehsalı olan və yüksək
texnologiyalı, az travmatik əməliyyatlar aparmağa imkan
verən endovideoaparatlar.
- Əməliyyat zamanı rentgenoskopik və ultrasəs aparatı
vasitəsilə nəzarət.
- Unikal cərrahi lazer texnologiyaları.
- Əməliyyatların videoyazıya alınması.
- Almaniya, Türkiyə, İtaliya, Rusiya və digər Avropa
ölkələrinin aparıcı klinikalarının həkimləri ilə
qarşılıqlı əməkdaşlıq.
Klinikamızın cərrahi fəaliyyətinin istiqamətləri:
BİZİM ƏSAS MƏQSƏDİMİZ – pasiyentləri yüksək kvalifikasiyalı,
tez və effektiv tibbi xidmətlə təmin etməkdir.
Sizə sağlamlıq və xoşbəxtlik
arzulayırıq!
N.TUSİ ADINA KLİNİKANIN ƏMƏKDAŞLARI |
