N. Tusi adına Klinikanın urologiya şöbəsində

• Böyrəklərin, sidik axarlarının, sidik kisəsinin daşlarında kontakt litotripsiya
• Prostat vəzi əməliyyatları (lazer prostatektomiya)
• Strikturalar (uretranın daralmaları)
• Sidik kisəsinin və uretranın polipləri

LİTOTRİPSİYA

Kontakt endoskopik lazer litotripsiyası müxtəlif tərkibli və lokalizasiyalı daşlarda tətbiq edilir. Hətta bir sıra hallarda – digər metodların tətbiqində məhdudiyyətlər olduqda belə bu üsul effektli olur.Sidik axarının yuxarı və aşağı 1/3 – də fiksasiya olunmuş daşlar, orta və aşağı 1/3-də iri və xırda ölçülü daşlar, sidik kisəsinin iri kalibrli daşları olduqda kontakt endoskopik lazer litotripsiyasından istifadə etmək olar.

Sidk kanalından daxil edilmiş endoskopun işçi kanalına yerləşdirilmiş incə lazer lifləri daşa xüsusi impulslar ötürməklə onun dağılmasına səbəb olur. Xırda fraqmentlərə parçalanmış daşlar elə əməliyyat vaxtı sidikçixarıcı yollarla xaric olunur.

PROSTATEKTOMİYA

Lazer prostatektomiya (prostat vəzinin transuretral endoskopik lazer enukleasiyası) – prostat vəzinin hiperplaziyası olan xəstələrin ən etibarlı və komfortlu seçim metodudur. Əməliyyat xəstələr tərəfindən daha asan keçirilir və onlar qısa bir müddətdə normal həyat fəaliyyətlərinə dönə bilirlər. Ətraflı...

Holmium lazerinin kəşfi cərrahlar üçün geniş imkanlar açır:

• Yüksək intensivliyə malik lazer şüaları bədən boşluğuna xüsusi miniatür işıqötürücü vasitəsilə daxil edilir.
• Holmium lazerinin şüalanması toxumalara bərabər səviyyəli, təhlükəsiz və hədəf olaraq təsir göstərir.
• Qanaxmanın tez və effektiv saxlanılması əməliyyat sahəsində aparılan manipulyasiyaların maksimum dəqiqliyini təmin edir.
• Əməliyyatın davametmə müddəti isə xeyli qısalır.
• Əməliyyatdan sonrakı dövr digər xəstələrə nisbətən daha asan keçir, 3–5 günə sağalma baş verir və demək olar ki, çapıq toxuması inkişaf etmir.