• Endokrin vəzi xəstəlikləri (qalxanabənzər və qalxanabənzər ətraf vəziləri, böyrəküstü vəzi)
• Hepatopankeatobiliar xəstəliklər (qaraciyər, öd kisəsi və öd yolları, mədəaltı vəzi xəstəlikləri)
• Qastrointestinal sistem xəstəlikləri (mədə, nazik və yoğun bağırsaq)
• Proktoloji xəstəliklər (hemorroy, anal fistula, anal çat və s.)
• Yırtıq cərrahiyyəsi
• Süd vəzisi xəstəlikləri
• Dəri və yumşaq toxumaların cərrahi xəstəlikləri
• Laparoskopik cərrahiyyə

Qastrointestinal sistem cərrahiyyəsi

Qida borusunun axalaziya, lipoma, leyomiyoma kimi xoşxassəli törəmələri, divertikulu, mədə və on iki barmaq bağırsağın deşilmə, qanaxma, mədə çıxacağının stenozu kimi ağırlaşmaları, nazik və yoğun bağırsaq xəstəlikləri
(xoşxassəli törəmələr-polipoid lezyonlar, bezoarlar, fistulalar, keçməməzlik, Kron xəstəliyi və onunla əlaqəli ağırlaşmalar, qeyri-spesifik xoralı kolit), perianal fistulalar, hemorroidlər, anal çat və s. xəstəliklərin cərrahi müalicəsi həyata keçirilir.

Hepato-pankreatiko-biliar cərrahiyyə

Qaraciyər, öd kisəsi və öd yollarında aparılan açıq və laparoskopik əməliyyatları, öd yollarının və mədəaltı vəzin mexaniki sarılığa səbəb olan xəstəliklərinin (daş, stenoz, xroniki pankreatit, exinokokk kistası) müalicəsini, mədəaltı vəzinin psevdokistaları və xroniki pankreatitin cərrahi müalicəsini əhatə edir.

Yırtıq cərrahiyyəsi

Klinikamızda ən son elmi və texniki yeniliklərdən istifadə edilərək həm açıq, həm də laparoskopik metodlarla aparılır.

Süd vəzisi cərrahiyyəsi

Süd vəzisinin iltihabi xəstəlikləri, törəmələrinin (kista, fibroadenoma, duktal ektaziya), kişilərdə ginekomastiyanın diaqnostikası və cərrahi müalicəsi ilə yanaşı süd vəzisi xərçənginin erkən diaqnostikası üçün profilaktik müayinələrin aparılması ilə də məşğul olur. Dünya Səhiyyə Təşkilatını və aparıcı mərkəzlərin verdiyi statistik məlumata görə hər 8-10 qadından biri süd vəzisi xərçənginə tutulur. Buna görə də süd vəzisi xərçənginin erkən diaqnostikası və beləliklə də orqan saxlayıcı əməliyyatların mümkün olması hədəflənməkdədir. İnkişaf etmiş ölkələrdə şikayətinin olub-olmamağından asılı olmayaraq bütün qadınlar 45 yaşından etibarən süd vəzisimüayinəsi proqramına alınırlar. Ailəsində birinci dərəcəli yaxınlarında süd vəzisi xərçəngi olan qadınlar profilaktik müayinələrə daha erkən başlamalıdırlar.

Təcili (urgent) cərrahiyyə

Klinikamızın ümumi cərrahi xidmətlərinə aid edilir.Təcili cərrahi yardımın göstərilməsi üçün aktiv funksional fəaliyyətə malik diaqnostik xidmətlər mövcuddur (müxtəlif instrumental müayinələr, laboratoiya və s.). Anesteziologiya və reanimasiya şöbəsi hər zaman istənilən cərrahi əməliyyatın aparılmasına tam hazır vəziyyətdədir. Ehtiyac yarandğı halllarda xəstələrin daşınması və ilkin tibbi yardımın göstərilməsi üçün xüsusi spesializasiyalı ambulanslardan istifadə edilir.