VERTEBROPLASTİKA :: Travmatologiya və ortopediya :: Stasionar

< < < ƏSAS MENYU > > >

STASİONAR Ümumi cərrahiyyə Endoskopik cərrahiyyə Reanimasiya və intensiv terapiya Travmatologiya və ortopediya Artroskopiya Bud-çanaq oynağının endoprotezləşdirilməsi Onurğa sütunu cərrahiyyəsi Vertebroplastika Skolioz Neyrocərrahiyyə Koloproktologiya Otorinolarinqologiya Ginekologiya Urologiya Damar cərrahiyyəsi Endokrin cərrahiyyə İnvaziv radiologiya

< < < XƏBƏRLƏR > > >

Klinikada kliniki virusologiya ilə əlaqəli bütün sualları cavablandıracaq xüsusi telefon nömrəsi fəaliyyət göstərir: (050)331 23 12
Həftə içi saat 9.00-dan 15.00-a kimi virus xəstəliklərinin diaqnostikası, müalicəsi və profilaktikası ilə əlaqədər bütün növ suallarla müraciət edə bilərsiniz.

Siz buradasınız: Stasionar / Travmatologiya və ortopediya / ...

VERTEBROPLASTİKA

Vertebroplastika – onurğa sütununun zədələnmiş hissələrinin xüsusi plastik material və ya sümük sementindən istifadə etməklə möhkəmləndirilməsidir. Bu əməliyyat onurğa sütunu fəqərələrinin sinir strukturlarının sıxılması ilə müşahidə edilməyən travmatik və ya patoloji kompression sınıqları zamanı tətbiq edilir. Onurğa sütununun patoloji sınıqları sümük toxumasının struktur quruluşunun pozulması ilə gedən bir sıra xəstəliklərində – osteoporoz, onurğa sütunu şişləri, bədxassəli şişlərin metastazları və s. zamanı müşahidə edilir. Onurğa sütununun kompression sınıqları onun cisminə həddindən artıq təzyiq edilməsi nəticəsində əmələ gəlir. Əgər onurğa sütunu normal təzyiqlərə belə davam gətirməyə zəifdirsə, hətta yüngül təkanın edilməsi ciddi travmalara səbəb ola bilər. Bu ən çox kompression sınıqlara səbəb olan osteoporozlar zamanı müşahidə edilir. Bu xəstəlik zamanı sümük kütləsi azalır, nəticədə sümüklər kövrəkləşərək adi təzyiqlərə davam gətirə bilmir. Osteoporoz zamanı adicə önə əyilmə hərəkəti belə sınıqlara səbəb ola bilər. Statistik göstəricilərə əsasən 80 yaşına qədər qadınların 40% -də ən azından bir dəfə onurğa sütununun kompression sınığı müşahidə edilir. Osteoporoz zamanı kompression sınıqlar boyun qısalmasına, itiuclu kifozların əmələ gəlməsinə və s. hallara səbəb olur.

Osteoporoz zamanı əmələ gələn kompression sınıqlar bir sıra xarakter xüsusiyyətlərə malikdir:

Sınıqlar adi fiziki hərəkətlər zamanı əmələ gələ bilər.
Yaşlı şəxslərdə, xüsusən də qadınlarda fəqərə sınıqları tez – tez müşahidə edilir.
Fəqərələrin zədələnməsi tədricən inkişaf edə bilər, buna görə də ağrılar yavaş-yavaş artır.
Osteoporotik sınıqlar zamanı ağrılar sinir köklərinin sıxılması ilə əlaqədar əmələ gəlir. Ağrı simptomları adi radikulit (lyumbaqo, işialgiya) zamanı müşahidə olunan ağrılara bənzədiyinə görə əksər xəstələr adekvat müalicə almırlar, çox hallarda ağrıkəsici dərmanlar və inyeksiyalarla kifayətlənirlər.

Kompression sınıqlara düzgün diaqnoz qoymaq və optimal müalicə taktikasını seçmək üçün aşağıdakı müayinələr aparılmalıdır:

Onurğa sütununun iki proyeksiyada (ön və yan) rentgenoqrafiyası. Bu metod zədələnmiş fəqərəni ayırd etməyə, onurğa sütununun hündürlüyünün nə qədər azalmasını təyin etməyə imkan verir.
Rentgenoqrafiyadan sonra zədələnmiş fəqərələrin strukturunu daha dəqiq öyrənmək üçün kompüter tomoqrafiya (KT) aparılır.
Əgər sinir köklərinin və ya onurğa beyninin sıxılması əlamətləri (ayaqlarda avazıma, kəskin ağrılar və s.) müşahidə edilərsə maqnit- rezonans tomoqrafiya (MRT) müayinə metodu aparılır.

Əgər xəstədə onun hərəki aktivliyini tam məhdudlaşdıran və onu yatağa məhkum edən intensiv ağrılar müşahidə edilərsə və eyni zamanda patoloji sınıqların ağırlaşmalarının (sinir köklərinin sıxılması, onurğa sütununun qeyri stabilliyi, əyilmələri, kifoz və s.) qarşısını almaq məqsədilə operativ müdaxilə aparılmalıdır.

Ağırlaşmalarla müşahidə olunmayan sınıqlar zamanı onurğa sütununun möhkəmləndirilməsi – vertebroplastika aparılır. Bu metodun sayəsində fəqərə sütunu sınıqlarından əziyyət çəkən xəstələr konservativ müalicəyə nisbətən daha tez sağalırlar.

Əməliyyat yerli anesteziya altında aparılır. Əməliyyatın gedişinə rentgen aparatı vasitəsilə nəzarət olunur. Xüsusi iynə vasitəsilə fəqərələri möhkəmləndirən maddə yeridilir. Əməliyyat yerli anesteziya altında aparıldığına görə və eyni zamanda az invaziv olduğu üçün yaşlı şəxslərdə də heç bir təhlükə olmadan tətbiq edilə bilər.

Əməliyyat xəstələr tərəfindən asan keçirilir, artıq 2-3 saatdan sonra hərəki aktivlik tam bərpa olunur, ağrı kifayət qədər azalır. Bir neçə gündən sonra xəstə evə yazılır.