• Onurğa sütunu deformasiyaları – skolioz, kifoz, lordoz, kifoskolioz və s.
• Fəqərə sınıqları, osteoporoz və digər xəstəliklər zamanı kompression sınıqlar
• Onurğa sütunu şişləri
• Spondilolistez və spondiloliz
• Fəqərəarası disklərin degenerativ dəyişiklikləri, onurğa sütunu kanalının stenozu

Cərrahi əməliyyatların əsas məğzini spondilodez yaratmaqla fəqərələrin fiksasiyasına nail olmaqdır. Spondilodez – onurğa sütununun bir neçə seqmentinin möhkəm fiksasiya olunmasıdır. Əsas məqsəd həmin şöbənin hərəkət məhdudluğunu təmin etməkdir. Skolioz, kifoz və onurğa sütununun digər əyrilikləri, fəqərə sınıqları, şişlər, degenerativ spondilolistez və digər xəstəliklər zamanı spondilodezin aparılmasına ehtiyac yaranır. Bütün bu xəstəliklər zamanı fəqərə sütununda deformasiyalar və qeyri-stabillik yaranır, bu isə xəstənin hərəki aktivliyinin məhdudlaşmasına, ağrıların əmələ gəlməsinə səbəb olur. Eyni zamanda bir sıra həyati vacib orqanların – ürək, ağciyərlər və s. fəaliyyəti pozulur.

Müasir EXPEDİUM spinal sistemləri ən mürəkkəb kliniki vəziyyətlərdə belə cərraha deformasiyanı düzəltmək və onurğa sütununu fiksasiya etməyə imkan verir. Əməliyyatdan artıq 2 gün sonra xəstəyə oturmaq, 3 gün sonra isə gəzməyə icazə verilir.