• Bud kanalına keçirilən mil hissə
• Endoprotezin baş hissəsi bud sümüyünün başını əvəz edir.
• Asetabulyar boşluq çanaq sümüyünə implantasiya olunmuş aypara şəkilli plastik materialdan hazırlanmışdır.

Bud –çanaq oynağının endoprotezləşdirilməsi aşağıdakı hallarda aparılır:

• Degenrativ-distrofik xəstəliklər – osteoartroz
• Revmatoid poliartrit
• Bud sümüyü başının aseptik nekrozu
• Bud sümüyü boynunun yalançı oynaqları və bitişməyən sınıqları
• Bud sümüyünün anadangəlmə çıxığı
• Bexterev xəstəliyi ( xüsusilə də bud – çanaq oynağının zədələnməsi ilə gedən ) və s.

Bud-çanaq oynağının endoprotezləşdirilməsi 2 saata yaxın davam edən bir əməliyyatdır. Əməliyyat zamanı peridural anesteziyadan istifadə olunur. Əməliyyatdan dərhal sonra xəstə bir neçə saatlığa müşahidə məqsədilə reanimasiya şöbəsinə köçürülür. Əməliyyatdan sonrakı gün xəstə artıq yatağında otura, tənəffüs gimnastikası hərəkətləri, aşağı ətraf əzələləri üçün statik məşğələlər edə bilər. Əməliyyatın üçüncü günündə xəstə artıq hərəkət edə bilər: öncə manejin sonra isə əsaların köməkliyi vasitəsilə. Əməliyyatdan 8-10 gün sonra tikişlər sökülür. Tikişlər söküldükdən sonra xəstə evə yazıla bilər. Xəstə ev şəraitində də onu əməliyyat etmiş həkimin məsləhətlərinə uyğun olaraq reablitasion məşğələlər etməlidir.

Əməliyyatdan sonra 6-8 ay müddətində aşağıdakı qaydalara əməl edilməlidir:

1. Bud-çanaq oynağında 90 dərəcədən artıq bucaq altında bükülməyə yol verilməməlidir. Burada əsasən 4 qayda var:

• Oturan zaman diz oynaqları bud sümüklərindən bir qədər aşağıda yerləşməlidir, bunun üçün oturan zaman stulun oturacaq hissəsinə balaca yastıqça qoymaq lazımdır
• Oturan zaman və ya uzanıqlı vəziyyətdə ayaqları bir – birinin üzərinə qoymaq olmaz
• Ayağa qalxanda önə doğru əyilmiş vəziyyətdə deyil onurğa sütununu düz tutaraq qalxmaq lazımdır
• Oturan zaman ayaqları bir-birindən aralı tutmaq lazımdır

2. Əsa ilə yeriyən zaman təyin olunmuş rejimə ciddi əməl etmək lazımdır
3. Pilləkənləri qalxan və ya düşən zaman sürahıdan tutmaq məsləhətdir
4. Ayaqqabı seçərkən onun alçaq dabanlı olmasına fikir vermək lazımdır
5. Hər dəfə həkimə gedərkən ona süni oynaq implantasiyası əməliyyatından keçməniz barədə məlumat verin
6. Əməliyyat olunmuş oynaq nahiyəsində ağrı , şişkinlik , qızartı olarsa bu halda mütləq sizi əməliyyat etmiş həkimə müraciət edin

Adətən endoprotezin fəaliyyət müddəti 15 il və daha artıq ola bilər, bu müddət əksər hallarda pasiyentin özündən asılı olur. Xəstə ağırlıq qaldırmadan, uzunmüddət ayaqüstə qalmaqdan çəkinməlidir. Bir sıra idman sahələri məsələn tennis məsləhət olunmur, lakin üzgüçülük, adi yerişlə məşqul olmaq olar. Bədən çəkisini də sabit saxlamaq lazımdır, çünki artıq bədən çəkisi özü də endoprotez üçün əlavə yükdür.