N.Tusi adına Klinikada fəaliyyət göstərən anesteziologiya şöbəsi tibb elminin müasir inkişafından bəhrələnərək yüksək səviyyəli anestezioloji xidmət göstərir. Klinikamızda icra olunan uroloji, ortopedik, otolorinqoloji, torakal, abdominal əməliyyatların ağrısızlaş dırılması üçün anesteziyanın müxtəlif növlərindən istifadə olunur. Əməliyyat otaqlarının müasir tibbi avadanlıqla təchiz olunması, dünyada qəbul olunmuş anestezioloji protokollar əsasında aşağıdakı anesteziya növlərini həyata keçirməyə şərait yaradır.

Ümumi anesteziya:

• Tam venadaxili anesteziya
• Kombinə olunmuş venadaxili anesteziya
• Endotraxeal intubasion anesteziya
• Selektiv bronxial intubasion anesteziya

Regionar anesteziya:

• Peridural anesteziya
• Spinal anesteziya
• Kaudal anesteziya
• Kombinəolunmuş peridural+spinal anesteziya
• Kombinəolunmuş spinal+venadaxili anesteziya
• Regionar venadaxili anesteziya və s.

Anesteziya növü seçilərkən, icra olunacaq cərrahi əməliyyatın həcmi və ağırlıq dərəcəsi xəstənin yaşı, yanaşı xəstəlikləri, psixoloji durumu və s. nəzərə alınır. Xəstələr şöbənin təcrübəli mütəxəssisləri tərəfindən əməliyyat öncəsi müayinə olunur, müvafiq labarator instumental müayinələrdən sonra anesteziya növü seçiliir və lazım gələrsə ixtisasçı həkim (endokrinoloq, kardioloq) tətəfindən əməliyyata hazırlanır. Əməliyyat önü xəstələrin psixoloji hazırlanmasına, seçilən anesteziya növü haqqında məlumatlandırılmasına xüsusi diqqət yetirilir. Anestezioloqiya şöbəsinin həkimləri və tibbi personalı ixtisas səviyyələrini artırmaq məqsədi ilə mütəmadi müxtəlif ölkələrin klinikalarında təcrübə kursları keçirlər.

Klinikamızda fəaliyyət göstərən anesteziologiya şöbəsi ən müasir avadanlıqla təchiz olunmuşdur ki, bu da əməliyyat zamanı pasientin maksimal təhlükəsizliyini təmin etməyə, anesteziologiya elminin son nailiyyətlərindən bəhrələnməyə imkan verir. Əməliyyat zamanı xəstənin həyati göstəriciləri müasir və çoxfunksiyalı Nihon-Kohden monitorları vasitəsi ilə daimi nəzarətdə saxlanılır. Bu monitor vasitəsi ilə eyni anda xəstənin invaziv və qeyri-invaziv arterial təzyiqi, elektrokardioqramması, hərarəti, nəbzi, qanın O2 təchizatı və s. haqqında informasiya almaq mümkündür.

Daimi monitorinq baş verəbiləcək ağırlaşmaların qarşısını almağa anesteziya riskini azaltmağa xidmət edir.

Draqer firmasınınVamos kapnoqrafları vasitəsi ilə tənəffüs havasındakı CO2 qazının miqdarı, uçucu anestetiklərin qatılığının monitorinqi aparılır və korreksiya olunur. Tənəffüs aktının qrafik nəzarəti və digər göstəricilər anesteziyanın dərinliyi və relaksasiyanın səviyyəsi haqqında təsəvvür yaradır. Qeyd edək ki, xüsusi ilə laparaskopik əməliyyatlarzamanı kapnoqrafiq monitorinq çox vacibdir, belə ki qanda artan CO2 səviyyəsi nəticəsinndə yaranan dəyişikliklər, A/T yüksəlməsi taxikardiya, beyin damarlarının genişlənməsi nəticədə durğunluq və hipoksiya kimi ağırlaşmaların qarşısını almağa imkan verir.

Klinikamızın əməliyyat otaqları dünyanın aparıcı firmalarının narkoz aparatları ilə təchiz olunmuşdur. DATEX-OHMEDA S/5 AESPIRE, HEİNEN LÖWENSTEİN LEON PLUS, HEİNEN LÖWENSTEIN SYMEON aparatları ilə xəstənin çəkisinə, döş qəfəsi quruluşuna, ağciyərlərinin funksional vəziyyətinə uyğun tənəffüs parametrləri seçərək müxtəlif rejimlərdə ağciyərlərin süni ventilyasiyası ilə, anesteziyanı təmin etmək mümkündür. Bu aparatların yüksək həssas alarm sistemi hər hansı bir dəyişikliyi anında bildirir və tez-tez rast gəlinən ağciyərlərin barotravması, hipoksiya, tənəffüs asidozu və s ağırlaşmarın qarşısını almaq olur.

Əməliyyat otaqlarının mərkəzləşmiş hava və oksigen təchizatının olması xəstələrin maksimal təhlükəsizliyinə xidmət edir. Belə ki, mərkəzi xətdə O2 və ya havanın təzyiqi normadan aşağı enərsə siqnal sistemi işə düşür və gözlənilən təhlükə həmin dəqiqə aradan qaldırılır. Anestezioloqiya elminin müasir tələblərinə cavab verən anestetiklərin istifadəsi yüksək səviyyəli anesteziya aparılmasına, ağırlaşma faizinin minimuma endirilməsinə, əməliyyatdan sonra xəstənin tez və rahat oyanmasına xidmət edir.

Mərkəzləşmiş havalandırma sistemi əməliyyat otaqlarında xüsusi filtrlərlə təchiz olunmuşdur. Əməliyyatın növündən asılı olaraq əməliyyat otağının temperaturu mərkəzləşmiş qaydada tənzimlənir.