N.Tusi adına Klinikanın reanimasiya və intensiv terapiya şöbəsi 4 əməliyyat otağının işini təmin edir. Bu əməliyyat otaqlarında abdominal, torakal, uroloji, proktoloji, ginekoloji, travmotoloji və ortopedik, plastik və s.cərrahi əməliyyatlar aparılır. Şöbə ən müasir narkoz-tənəffüs aparatları, süni tənəffüs aparatı, defibrillyator, monitor kompleksləri və s. avadanlıqlarla təchiz olunmuşdur. Burada ən müasir və əsas anesteziya metodlarından istifadə olunur, pasiyentin vəziyyəti daimi və hərtərəfli monitorlar vasitəsilə nəzarətdə olur.

Reanimasiya zalı 6 çarpayı üçün nəzərdə tutulmuşdur. 2 ədəd izoləolunmuş palata fəaliyyət göstərir. Cərrahi əməliyyatdan sonrakı xəstələr,eyni zamanda müxtəlif ürək-damar, həzm, tənəffüs, sidik-ifrazat sisteminin ağır xəstəlikləri olan pasiyentlərə nəzarət və müalicə bu şöbədə həyata keçirilir. Müasir çoxfunksiyalı monitorlar hər bir pasiyentin əsas həyati funksiyalarını daimi nəzarətdə saxlamağa imkan verir. Buraya arterial təzyiq (invaziv və qeyri-inaziv metodla), nəbz, bədən temperaturu, hemoqlobinin oksigenlə doyma dərəcəsi, EKQ monitorinqi və s. daxildir.

İnfuzion terapiya dərman maddələrinin xüsusi dozatorları-infuzomatov və perfuzor şprislər vasitəsilə aparılır. Şöbədə pasiyentlərin müalicəsi üçün ən müasir intensiv terapiya metodlarından istifadə olunur, ürək-ağciyər reanimasiyası, müxtəlif rejimlərdə ağciyərlərin süni ventilyasiyası həyata keçirilir.