Endokrin cərrahiyyə – daxili sekresiya vəzilərinin patologiyasının cərrahi müalicəsi ilə məşğul olan bir sahədir. N. Tusi adına Klinikada qalxanabənzər vəzinin bir sıra xəstəliklərinin cərrahi müalicəsi aparılır. Diffuz toksiki ur, düyünlü zob, döş sümüyü arxası zob və s. xəstəliklərin dəqiq və düzgün müalicəsi həyata keçirilir.

Xəstələrin müayinəsi zamanı aşağıdakı laborator və instrumental diaqnostika metodlarından istifadə edilir:

• Hormonal və biokimyəvi müayinələr – qanda tireotrop (TSH), total və sərbəst T3, T4 hormonlarının, tireoqlobulin və tireoperoksidazaya qarşı və tireoid mikrosomal antitellərin təyini.
• Qalxanabənzər vəzinin ultrasəs müayinəsi və ya doppleroqrafiyası.
• Maqnit rezonans tomoqrafiya (3D modelləşdirmə ilə)

N. Tusi adına Klinikanın ən müasir avadanlıqlarla təchiz olunmuş diaqnostik bazası və həkimlərin birgə fəaliyyəti xəstələrin problemlərini vaxtında və kompleks şəkildə həll etməyə imkan verir.