Artıq 3 ildir size yüksək keyfiyyətli, professional tibbi xidmət göstərən N. Tusi adına Klinikada yeni bir şöbə fəaliyyətə başladı. Hamiləliyin monitorinqi və doğuşa yardım adını daşıyan bu bölmə müasir avropa standartlarına uyğun tibbi avadanlıq və peşəkar tibbi heyətlə tam olaraq xidmətinizdədir.

Hamiləliyin monitorinqini həyata keçirmək üçün kinikamızda hər hansı bir “ümumi qəbul olunmuş” sxem mövcud deyil. Bizim həkimlər hər bir gələcək ana üçün fərdi olaraq müşahidə kartası hazırlayırlar. Həkiminizlə birlikdə siz də hamiləliyinizi müşahidə etmək üçün məhz sizə uyğun olan proqram planının seçilib hazırlanmasında iştirak edə bilərsiniz.

Müalicə həkiminizlə hər görüşdə siz hamiləliyinizin gedişatı, dölün bətndaxili inkişafı haqqında istənilən sualınızı cavablandıra bilmək imkanına malik olacaqsınız. Eyni zamanda gündəlik həyat rejiminin qurulması, lazımi qida maddələrinin qəbulu, istirahətin düzgün təşkil edilməsi və s. haqqında ətraflı məlumat ala biləcəksiniz. Əsas üstünlüyümüzün hər bir pasiyentə individual yanaşma olduğunu siz də görəcəksiniz.

Hamiləliyin monitorinqinə kompleks laborator və instrumental müayinələr, individual planlama, müayinə vaxtları və s. aiddir:

• Qanın və sidiyin laborator göstəricilərinin monitorinqi
• Hormonal müayinələr
• Bətndaxili infeksiyaların təyini.

Hamiləiyin ilk vaxtlarından başlayaraq körpənin bətndaxili inkişafını müşahidə etmək də monitorinqə daxil edilən vacib göstəricidir. Bu bətndaxili inkişafın hər hansı bir mərhələsində baş verən pozğunluğu vaxtında aşkar etməyə imkan verir.Dölün vəziyyətinin monitorinqi ən son model kardiotokoqraf , müasir və klassik mamalığın əsas prinsiplərindən istifadə etməklə aparılır. N. Tusi adına klinikanın hamiləliyin monitorinqi və doğuşa yardım bölməsinin qeydiyyatında olan hər bir pasiyent klinikanın kompleks müalicə-diaqnostik, profilaktik və konsultativ xidmətindən istifadə edə bilər. Bundan başqa siz bizim şöbənin qeydiyyatında olmasanız belə seçiminizdən asılı olaraq istənilən xidmət növü üçün müraciət edə bilərsiniz (mama-ginekoloqun və ya ginekoloq-endokrinoloqun konsultasiyası, ultrasəs müayinəsi, 3D USM, istənilən növ laborator müayinələr və s.).

Biz istəyirik ki, hamiləliyi keçirdiyiniz müddət həyatınızda ən gözəl və unudulmaz period olaraq həkk olunsun! Tusi adına klinikada doğuş ilk növbədə – rahatlıq, əminlik, qayğı, sevgi və sağlamlıq deməkdir.

Kinikamızda hər bir doğuş ən müasir standartlara cavab verən individual doğuş zalında aparılır. Doğuşda sizin fərdi mama-ginekoloqunuz, təcrübəli mamaça və neonatoloq iştirak edir. Hər bir pasiyent üçün fərdi olaraq sutkalıq tibb bacısı təyin eilir. Burada olduğunuz müddətdə bütün növ dərman preparatları, gigiyenik vasitələr, bir dəfəlik istifadə materialları ilə tam olaraq təmin olunursunuz. Bütün doğuş müddəti ərzində ananın və körpənin həyati vacib funksiyaları ən müasir tibbi avadanlıqların tam nəzarətində olur. Ehtiyac yarandığı halda doğuş zamanı ultrasəs müayinəsindən də istifadə edilir. Ən son anesteziya metodlarının tətbiqi doğuşun ağrısız keçirilməsinə imkan verir. Burada yaradılan rahatlıq və komfortun dərəcəsi pasiyentləri bütün növ məişət qayğılarından azad edir. Onlar yalnız dünyaya gətirəcəkləri körpə barəsində düşnürlər. Doğuşdan sonrakı 40 gün müddətində pasiyentin sağlamlığı həkimlərimizin nəzarəti altında olur.