N. Tusi adına Klinikanın ambulator-poliklinik cərrahiyyəsi 24 saat ərzində pasiyentlərin xidmətindədir. Ambulator olaraq yalnız kiçik cərrahi müdaxilələr həyata keçirilir. Kiçik cərrahi əməliyyatlar bir qayda olaraq yerli anesteziya altında aparılır.Qısa müddətli venadaxili anesteziyaya ehtiyac yarandığı hallarda isə kiçik cərrahi əməliyyatlar belə əməliyyat blokunda aparılır. Qeyd etmək lazımdır ki, emosional labil xəstələrdə kiçik cərrahi əməliyyatlar aparılarkən qısa müddətli venadaxili anesteziyadan istifadə etmək daha məqsədəuyğundur. Bu növ anesteziyadan sonra xəstə gündüz stasionarında müəyyən vaxt ərzində həkim anestezioloqun nəzarəti altında olur. Əməliyyat zamanı istifadə olunan bütün materiallar birdəfəlik olub, hər xəstədə dəyişilir. Alətlər isə xüsusi sterilizasiyadan (kimyəvi, termiki) keçdikdən sonra birdəfəlik steril paketlərdə saxlanılır.

N. Tusi adına Klinikada ambulator-poliklinik rejimdə aşağıdakı hallarda cərrahi müdaxilələr aparılır:

• Dərinin xoş xassəli törəmələri (lipomalar)
• Seboreik kistalar
• Böyümə və rəng dəyişikliyi göstərən xallar
• Sünnət
• Dırnaq infeksiyaları (dolama), dırnaq çıxarılması
• Yaraların cərrahi işlənilməsi
• Abses və hematomalar

Aparılan prosedurdan sonra pasiyent müəyyən müddət ambulator rejimdə cərrah nəzarəti altında olur. Yəni tikişlərin sökülməsi, sarğının dəyişdirilməsi üçün pasiyent müəyyən müddət öz həkiminin nəzarəti altında olur. Xəstənin daha tez sağalması üçün ambulator rejimdə medikamentoz terapiya, fizioterapevtik prosedurlar və s.-dən istifadə olunur. Klinikanın xidmətlərinə daşınması mümkün olmayan xəstələrə ev şəraitində də ilkin cərrahi yardım göstərmək daxildir.