Siz buradasınız: Poliklinika/ Fizioterapiya/ ...

ZƏRBƏ-DALĞALI TERAPİYA

Zərbə dalğası – səs dalğaları olub əzələ, sümük və ya birləşdirici toxumaya təsir göstərir. Zərbə dalğasının təsiri nəticəsində lokal olaraq qan dövranı sürətlənir, maddələr mübadiləsi sürətlənir və hüceyrələrdə ion mübadiləsi bərpa olunur. Bununla da katabolizmin son məhsullarının xaric edilməsi intensivləşir, hüceyrələrdə bərpaedici proseslər sürətlənir, iltihabəleyhi və ödeməleyhi effekt alınır. Zərbə dalğaları patoloji ocaq nahiyəsində olan ağrı impulslarının qüsurlu dövranını dağıdaraq, ağrını tez bir zamanda aradan qaldırır.

Zərbə dalğalı terapiya bir sıra xəstəliklərin müalicəsində istifadə olunur:
  • Ortopediya/ cərrahiyyə: daban ağrısı, çiyin-kürək periartriti, trigger nöqtələri, psevdoartrozlar, sınıqların zəif konsolidasiyası (bitişməsi) və s.
  • Nevrologiya: insultdan sonrakı parez əlamətləri, polinevropatiyalar və s.
  • Urologiya: xroniki çanaq ağrıları sindromu, Peyroni xəstəliyi, trigger nöqtələrinin terapiyası
  • Angiologiya / dermatologiya / cərrahiyyə: yaraların müalicəsi, dəri yanıqları, kobud çapıqların müalicəsi.
  • Kosmetologiya – sellülit, dərialtı toxumaların fibroz dəyişiklikləri, limfostatik qalınlaşmalar. Ətraflı....

N.Tusi adına Klinikada zərbə-dalğalı terapiya DUOLİTH SD1 (STORZE MEDİCAL AG) aparatında aparılır.