Fizioterapiya – fiziki faktorlar vasitəsilə müalicə deməkdir. Fiziki faktorlar dedikdə elektromaqnit dalğaları, vibrasiya, titrəmələr, işıq, istilik nəzərdə tutulur.

Fizioterapevtik müalicənin aparılma məqsədi:

• Ağrıların aradan qaldırılması
• İltihabın azaldılması
• Ödemlərin aradan qaldırılması
• Qan dövranının yaxşılaşdırılması
• Hüceyrə və toxumaların qidalanmasının (trofikasının) yaxşılaşdırılması
• Regenrasiya müddətinin qısaldılması (toxumaların bərpa olunması müddəti)
• Spazmların aradan qaldırılması
• Vegetativ sinir sisteminin stabilizasiyası
• Neyrohumoral requlyasiyanın bərpa olunması

Bütün prosedurlar individual olaraq həkim-fizioterapevt tərəfindən təyin olunur. Müalicə metodu, müddəti və intensivliyi xəstəlikdən, pasiyentin fərdi xüsusiyyətlərindən asılı olaraq müxtəlif olur.

N. Tusi adına Klinikanın fizioterapiya şöbəsində geniş spektrli fizioterapevtik müalicə metodlarından istifadə olunur. Şöbə Niderlandın “Enraf Nonius”firmasının müasir proqramlaşdarılmış aparatları ilə təchiz olunmuşdur.

Endomed 482 aparatı ilə orta və aşağı tezlikli elektroterapiya vasitəsilə aşağıdakı fizioterapevtik müalicə formaları aparılır:

• Transdermal elektroneyrostimulyasiya – səthi sinir uclarını stimulyasiya etməklə ağrıkəsici effekt göstərir
• Miostimulyasiya – əzələ liflərinin yığılmasını təmin edir. İflic, parez, əzələ tonusunun aşağı düşməsi, atrofiyası zamanı tətbiq edilir
• Qalvanizasiya – bu üsul vasitəsilə orqanizmə daimi elektrik cərəyanı ilə dərman preparatları yeridilir (elektroforez). Bu isə həmin dərman maddəsinin uzunmüddətli təsirinə, yüksək farmakoloji aktivliyinə imkan yaradır. Qalvanizasiyanın yan təsirləri praktiki olaraq mövcud deyil
• Diadinamik cərəyanlar
• İnerferension cərəyanlar

Qısadalğalı terapiya bilavasitə CURAPULS 97 aparatı ilə həyata keçirilir.

Yüksəktezlikli terapiya qan və limfa dövranını yaxşılaşırmaqla iltihabəleyhi təsir göstərir. Eyni zamanda spazmları aradan qaldırmaqla ağrıkəsici effekt verir. Qısadalğalı terapiyanın əsas üstün cəhəti onun daha dərində yerləşən toxumalara təsir göstərməsindədir. Bu metod nəinki xroniki, eyni zamanda bəzi hallarda kəskin proseslərdə də tətbiq oluna bilər, baxmayaraq ki, fizioterapiyanın bir çox metodları xəstəliyin kəskin fazası üçün əks göstərişdir.

Mikrodalğalı terapiya (RADARMED 950) mikrosirkulyasiyanı və toxuma trofikasını yaxşılaşdırır, sinir və endokrin sistemə requlyasiyaedici təsir göstərir. Bir o qədər də güclü olmayan elektromaqnit sahələri bir çox xəstəliklərin, o cümlədən iltihabi, oynaqların travmatik və distrofik xarakterli xəstəliklərində, bir sıra sinir sistemi və daxili orqan xəstəliklərində istifadə olunur.

USM (ultrasəs ilə müalicə) SONOPULS 950 aparatı vasitəsilə həyata keçirilir. Bu metod yerli limfa və qan dövranını yaxşılaşdirmaqla iltihabəleyhi və sorucu təsir göstərir. Ultrasəs vasitəsilə də dərman preparatlarını toxuma daxilinə yeritmək olar (fonoforez).

Eyni zamanda N.Tusi adına Klinikanın fizioterapiya şöbəsində maqnitoterapiya, darsonvalizasiya, inhalyasiya, akupunktura, akupressura, farmakopunktura, hirudoterapiya, massaj müalicə metodlarından da istifadə olunur.

N.Tusi adına Klinikada STORZ MEDICAL AG istehsalı olan STORZ DUOLITH SD1 aparatında zərbə-dalğalı terapiya aparılır. Bu, bir sıra xəstəliklərin yeni yüksək effekli müalicə metodudur.

• Daban ağrısı, çiyin-kürək periartriti, trigger nöqtələri, psevdoartrozlar, sınıqların zəif konsolidasiyası (bitişməsi) və s.
• İnsultdan sonrakı parez əlamətləri, polinevropatiyalar və s.
• Xroniki çanaq ağrıları sindromu, Peyroni xəstəliyi, trigger nöqtələrinin terapiyası
• Yaraların müalicəsi, dəri yanıqları, kobud çapıqların müalicəsi.
• Sellülit, dərialtı toxumaların fibroz dəyişiklikləri, limfostatik qalınlaşmalar.