Siz buradasınız: Laboratoriya / PZR / ...

RU

PZR LABORATORİYA

PZR – polimeraz zəncirvari reaksiyanı laborator diaqnostikada son onilliyin ən son nailiyyəti hesab etmək olar. Bu metod gen diaqnostikasına aid edilir. İstənilən canlı orqanizmin hər bir hüceyrəsi özünəməxsus genetik materiala (DNT və ya RNT) malikdir ki, bu da onun digərlərindən 100 % identifikasiya edilməsinə imkan verir. PZR metodu müayinə olunan istənilən klinki materialda mikroorqanizmə və yaxud insan orqanizminə aid olan genetik materialı aşkar etməyə imkan verir.

PZR müayinə metodunun imkanları demək olar ki, sərhədsizdir.

Tibbdə bu metoddan infeksion xəstəliklərin, erkən mərhələdə olan onkoloji xəstəliklərin, genetik xəstəliklərin diaqnostikasında, həmçinin atalığın təyin edilməsində istifadə olunur.

Hazırda N.Tusi adına Klinikanın laboratoriya şöbəsində “Real Time” rejimində hiridizasion-flüoressent deteksiya üsulunun tətbiqi ilə həyata keçirilən PZR metodundan istifadə olunur. Bu üsul PZR metodunun ən müasir və təkmilləşdirilmiş növüdür.

“Real time” rejimində PZR metodu müayinə olunan kliniki materialda genetik tərkibi nəinki müayinə qurtardıqdan sonra, hətta prosesin gedişi zamanı da ayırd etməyə imkan verir. Əksər proseslərin tam avtomatlaşdırılması “insan faktoru” ilə əlaqədar meydana çıxa biləcək bütün səhvləri aradan qaldırır. Bu metodun digərlərindən üstün cəhətlərindən biri də kontaminasiya nəticəsində əmələ gələ biləcək bütün səhv müsbət nəticələrin olma ehtimalının sıfıra bərabər olmasıdır.

Azərbaycanda ilk dəfə olaraq N. Tusi adına Klinikada “Real Time” rejimində hibridazision – flüoressent deteksiya üsulu ilə xlamidioz, mikoplazmoz, herpes, sitomeqalovirus, trixomoniaz, ureaplazmoz, papillomavirus kimi cinsi infeksiyaların tam diaqnostikası aparılır. B və C hepatitlərinin dəqiq diaqnostikası üçün tam müayinə tsikli yaradılmışdır. Laboratoriyada törədicinin nəinki genetik tərkibi eyni zamanda müayinə olunan materialda miqdarını da təyin etmək mümkündür (kəmiyyət PZR-i). Hepatit C və B-in diaqnostikası və müalicəsi zamanı bu müayinə metodu çox vacibdir. Respublikamızda ilk dəfə olaraq yalnız bizim Klinikada Hepatit C-in genotipi təyin olunur.

N. Tusi adına Klinkada PZR metodu ilə aşağıdakı infeksiyaların diaqnostikası aparılır:
  • HCV (Hepatit C) – keyfiyyət təyini (qanda)
  • HCV (Hepatit C) – kəmiyyət təyini (qanda) (virus yüklənməsi)
  • HCV (Hepatit C) – genotipin təyini (qanda)
  • HCV (Hepatit C) – virus yükünün və genotipinin təyini (qanda)
  • HBV (Hepatit B) – keyfiyyət təyini (qanda)
  • HBV (Hepatit B) – kəmiyyət təyini (qanda)
  • Sitomeqalovirus (CMV) – keyfiyyət təyini (qaşıntı materialı, bəlğəm, ağız suyu, sidik (I – porsiya, <10 ml), prostat vəzi şirəsi, sperma, beyin – onurğa beyni mayesi, ana südü, biopsiya materialı)
  • Sitomeqalovirus (CMV) – keyfiyyət təyini (qanda)
  • Sadə herpes I və II – HSV I, II – keyfiyyət təyini – (qaşıntı materialı, bəlğəm, ağız suyu (burun – udlaq), sidik (I – porsiya, <10 ml), prostat vəzi şirəsi, sperma, beyin – onurğa beyni mayesi, ana südü, biopsiya materialı)
  • Sadə herpes I və II – HSV I, II – keyfiyyət təyini (qanda)
  • Listeriya – Listeria monocytogenes keyfiyyət təyini (qanda)
  • Qardnerella – Gardnerella vaginalis keyfiyyət təyini – qaşıntı materialı, sperma, prostat vəzi şirəsi
  • Xlamidiya – Chlamidia trachomatis keyfiyyət təyini – qaşıntı materialı, bəlğəm, ağız suyu, sidik (I – porsiya, <10 ml),prostat vəzi şirəsi, sperma, likvor, sinovial maye, biopsiya materialı
  • Mikoplazma – Mycoplasma hominis keyfiyyət təyini –qaşıntı materialı, sidik (I – porsiya, <10 ml), prostat vəzi şirəsi, sperma, sinovial maye
  • Toksoplazma – Toxoplasma gondii keyfiyyət təyini (qanda)
  • Qonokokk – Neisseria qonorrhoeae keyfiyyət təyini, qaşıntı materialı
  • Trixomonada – Trichomonas vaginalis keyfiyyət təyini, qaşıntı materialı
  • Papillomavirus – HPV 6, 11 keyfiyyət təyini – qaşıntı materialı (servikal kanal, uretra)
  • Papillomavirus – HPV 16, 18 keyfiyyət təyini – qaşıntı materialı (servikal kanal, uretra)
  • Papillomavirus – HPV 31, 33 keyfiyyət təyini – qaşıntı materialı (servikal kanal, uretra)
  • Papillomavirus – HPV 35, 45 keyfiyyət təyini – qaşıntı materialı (servikal kanal, uretra)
  • Papillomavirus – HPV – skrininq və ümumi müayinə – 16, 31, 33, 35, 53, 18, 39, 45, 59, 70, 52, 56, 58, 66 qaşıntı materialı (servikal kanal, uretra)
  • Solğun treponema – Treponema pallidum keyfiyyət təyini - qaşıntı materialı
  • Ureoplazma – Ureoplasma urealyticum/parvum keyfiyyət təyini - qaşıntı materialı, sidik (I – porsiya, <10 ml), bioptat, sinovial maye, bəlğəm, sperma, prostat vəzi şirəsi.
         < < < MƏQALƏLƏR > > >

HOMOSİSTEİN -
orqanizmdə metioninin metabolik tsikli zamanı əmələ gələn amin turşudur. Homosistein heç bir zülalın struktur elementi olmayıb orqanizmə yalnız metioninin metabolizmi zamanı daxil olur. Ətraflı... ANTİMÜLLER HORMONU -
dimer qlikoprotein olub, boy faktorlarının ß-transfromasiyaedici sinfinə məxsusdur. Bu hormon embrional inkişaf zamanı Sertoli hüceyrələri tərəfindən sintez olunur və kişilərdə Müller axarlarının reqressiyasına təkan verir. Ətraflı... PAPP-A -
yüksək molekullu qlikoprotein olub, hamiləlik vaxtı trofoblast hüceyrələri tərəfindən sintez olunaraq qan dövranına daxil olur. Hamiləliyin müddəti artdıqca qanda konsentrasiyası yüksəlir. Ətraflı... TROPONİNLƏR -
ürəyin miokard əzələ toxumasında özünəməxsus aminturşulardan ibarət strukturlar olub, adi eninəzolaqlı əzələ toxumasının zülallarından xeyli fərqlənir. Ətraflı...
           < < < YENİLİKLƏR > > >


Hər gün gecə və gündüz:

  • Təcili yardım məntəqəsi
  • Stasionar müalicəyə qəbul
  • Cərrahiyyə xidməti
  • Reanimasiya şöbəsi
  • Laboratoriya xidmətləri
    •
    Artıq N.Tusi adına Klinikada aşağıdakı laborator müayinələr həyata keçirilir:
  • HOMOSİSTEİN
  • ANTİMÜLLER HORMONU
  • PAPP-A
    •
    Fəqərəarası disk yırtığının cərrahi əməliyyatsız lokal traksiya üsulu ilə müalicəsi