Siz buradasınız: Laboratoriya / Hormonal və immunoloji / ...

RU

TROPONİN I
MİOKARD İNFARKTININ ERKƏN DİAQNOSTİKASI

Ümumdünya Səhiyyə Təşkilatının verdiyi məlumata görə ürək-damar sistemi xəstəlikləri bütün dünya üzrə əhalinin ölüm səbəbinə görə birinci yeri tutur.
Ürəyin işemik xəstəliyi (ÜİX), o cümlədən kəskin miokard infarktı ürək-damar sistemi xəstəlikləri arasında yaşlı və gənc nəslin nümayəndələrində ən çox ölüm hallarına səbəb olur. Xəstəliyin erkən diaqnostikası aparılan müalicənin effektivliyini artıraraq sağalmanı tezləşdirir və xəstənin əmək qabiliyyətinin itməməsinə imkan verir. Hələ bir neçə il bundan qabaq bu xəstəliyin diaqnostikası üçün istifadə olunan metodlar az informativ olub, müalicənin vaxtında aparılmasına mane olurdu. Lakin yüksək informativ metodların tətbiqindən sonra miokard infarktının diaqnostik kriteriyalarına olan baxışlar tamamilə yeniləndi. Xəstəliyin erkən mərhələrində ürək troponinlərinin (troponin T və İ) qanda səviyyəsinin yüksəlməsi, kliniki əlamətlər və elektrokardioqrafik dəyişikliklər əsas diaqnostik meyarlar kimi qəbul olundu.

Troponinlər – ürəyin miokard əzələ toxumasında özünəməxsus aminturşulardan ibarət strukturlar olub, adi eninəzolaqlı əzələ toxumasının zülallarından xeyli fərqlənir. Troponinlər ürək əzələsində iki fraksiyada müşahidə olunur: sitoplazmada yerləşən sərbəst troponin və birləşdirici toxuma liflərində olan birləşmiş troponin. Miokard infarktının inkişafı prosesində, ürəyin əzələ hüceyrələri dağıldıqda troponinlər növbə ilə hüceyrə daxilindən qana keçir. Miokard infarktının digər diaqnostik markeri olan KFK-MB-ə nisbətən troponinlər 2.5 saat tez qanda müşahidə olunur. Bu mərhələdə qanda troponinlərin təyini kəskin miokard infarktı diaqnozunu qoymağa və ya inkar etməyə əsas verir.

ABŞ kliniki biokimya üzrə milli akademiyası (NACB) aşağıdakı hallarda ürək troponinlərini təyin etməyi uyğun hesab edir:
  • Kəskin miokard infarktı
  • Miokard infarktının yayılma dərəcəsini qiymətləndirmək üçün.
  • Kəskin miokard infarktlı xəstələrin monitorinqi
  • Perioperasion miokard infarktı
  • Reperfuziyanın qiymətləndirilməsi
  • Kardiotoksiki dərman preparatları qəbul edən pasiyentlərin müşahidəsi
  • Miokard infarktının inkişaf riskinin qiymətləndirilməsi və qeyri stabil stenokardiyalı xəstələrə proqnoz verilməsi.
  • Ürək əzələsinin travmaları.
  • Ürəyin transplantasiyası zamanı donor və resipiyentin miokard əzələsinin qiymətləndirilməsi.

Təkrar miokard infarktının diaqnostikası üçün KFK MB fraksiyasının təyini daha məqsədəuyğun hesab edilir. Çünki keçirilmiş birinci miokard infarktından sonra qanda troponinlərin səviyyəsi müəyyən müddət yüksək qalır, KFK MB fraksiyası isə yenidən yüksəlir.

N. Tusi adına Klinikanın laboratoriya şöbəsində ürək troponinləri və KFK MB fraksiyası yüksək dəqiqliklə təyin edilir.
 
         < < < MƏQALƏLƏR > > >

HOMOSİSTEİN -
orqanizmdə metioninin metabolik tsikli zamanı əmələ gələn amin turşudur. Homosistein heç bir zülalın struktur elementi olmayıb orqanizmə yalnız metioninin metabolizmi zamanı daxil olur. Ətraflı... ANTİMÜLLER HORMONU -
dimer qlikoprotein olub, boy faktorlarının ß-transfromasiyaedici sinfinə məxsusdur. Bu hormon embrional inkişaf zamanı Sertoli hüceyrələri tərəfindən sintez olunur və kişilərdə Müller axarlarının reqressiyasına təkan verir. Ətraflı... PAPP-A -
yüksək molekullu qlikoprotein olub, hamiləlik vaxtı trofoblast hüceyrələri tərəfindən sintez olunaraq qan dövranına daxil olur. Hamiləliyin müddəti artdıqca qanda konsentrasiyası yüksəlir. Ətraflı... TROPONİNLƏR -
ürəyin miokard əzələ toxumasında özünəməxsus aminturşulardan ibarət strukturlar olub, adi eninəzolaqlı əzələ toxumasının zülallarından xeyli fərqlənir. Ətraflı...
           < < < YENİLİKLƏR > > >


Hər gün gecə və gündüz:

  • Təcili yardım məntəqəsi
  • Stasionar müalicəyə qəbul
  • Cərrahiyyə xidməti
  • Reanimasiya şöbəsi
  • Laboratoriya xidmətləri
    •
    Artıq N.Tusi adına Klinikada aşağıdakı laborator müayinələr həyata keçirilir:
  • HOMOSİSTEİN
  • ANTİMÜLLER HORMONU
  • PAPP-A
    •
    Fəqərəarası disk yırtığının cərrahi əməliyyatsız lokal traksiya üsulu ilə müalicəsi