Antimüller hormonu - dimer qlikoprotein olub, boy faktorlarının ß-transfromasiyaedici sinfinə məxsusdur. Bu hormon embrional inkişaf zamanı Sertoli hüceyrələri tərəfindən sintez olunur və kişilərdə Müller axarlarının reqressiyasına təkan verir. Cinsi yetişkənlik dövrünə qədər AMH yumurtalıqlar tərəfindən sintez olunur, postpubertat dövrdə isə bu hormonun miqdarı getdikcə azalır. Antimüller hormonun sintezində olan hər hansı bir pozğunluq kişilərdə Müller axarlarının reqressiyasının qarşısını alır və nəticədə bu axarların derivatları saxlanılır. Bu isə kliniki olaraq kriptorxizm, qasıq yırtıqları və reproduktiv funksiyanın pozulması ilə müşahidə edilir. Göstərilən xəstəlik Müller axarlarının persistensiyası sindromu adlanır. Bu sindrom yalançı kişi hermafroditizminin nadir rast gəlinən formalarından biridir. Belə xəstələrdə yumurtalıqlar differensasiya olunsa da sonsuzluq müşahidə edilir.

Qadınlarda AMH yumurtalıqların qranulyoz hüceyrələri tərəfindən sintez edilir. Pubertat dövrə qədər AMH-un qanda miqdarı kişilərə nisbətən daha aşağı olur. Pubertat dövrdən sonra isə getdikcə azalmağa başalyır. AMH-un qanda konsentrasiyası yumurtalıqdakı antral follikulların sayı ilə düz mütənasiblik təşkil edir. Yaşdan asılı olaraq fertillik qabiliyyətinə malik olan qadınlarda reproduktiv funksiyanın nə dərəcədə azalmasını təyin etmək üçün bu hormonun qanda təyini əvəzedilməzdir.

Müayinənin aparılmasına göstərişlər:

• Erkən və gecikmiş cinsi yetişkənliyi təyin etmək
• Bəzi şübhəli hallarda cinsiyyətin ayırd edilməsi
• Kriptorxizm və anorxizm
• Qadınlarda ovarial rezerv və premenopauzal dəyişikliklərin təyini
• Yumurtalıqların qranulyoz hüceyrə mənşəli şişlərinin diaqnostikası
• Süni mayalanmanın baş tutmaması, aparılmış stimulyasiyaya qeyri qənaətbəxş cavab reaksiyası
• Qeyri-müəyyən mənşəli sonsuzluq
• Antiandrogen terapiyanın effektivliyinin təyini

Göstərilən hormonal analiz N. Tusi adına klinikanın laboratoriyasında immmunoferment üsulu ilə təyin edilir. Qadınlarda ən uyğun müayinə vaxtı menstrual tsiklin 3-cü günü hesab edilir.