 Laborator xidmətin başlıca məqsədi həkimi vaxtında,
dəqiq və etibarlı informasiya ilə təmin etməkdir. Məhz bunun
nəticəsində müalicə həkimi hər hansı bir patoloji prosesin
olması və ya olmaması, xəstəliyin inkişaf dinamikası və
aparılan müalicənin effektivliyi haqqında məlumat ala bilir.
Laborator diaqnostika profilaktik müayinələrdən keçərkən, və
ya xəstəliyin erkən inkişaf mərhələlərində həkimə müraciət
edərkən, gizli gedişə malik bir sıra xəstəliklər zamanı
ilkin və ən vacib müayinə metodudur.
N.Tusi adına Klinikanın laboratoriya şöbəsində 300-dən
artıq geniş spektrli müxtəlif testlər aparılır:
 Ümumi kliniki laborator müayinələr- Biokimyəvi müayinələr
- Hormonal diaqnostika
- Onkomarkerlər
- İnfeksion xəstəliklərin İFA və PZR vasitəsilə
diaqnostikası
- Hematoloji müayinələr
- İmmunoloji müayinələr
- Mikrobioloji müayinələr
- Histoloji və sitoloji müayinələr
 Müasir avtomat laborator cihazlar, dünya səviyyəsində
tanınmış firmaların reaktiv və test-sistemlərinin
istifadəsi, yüksək kvalifikasiyalı təcrübəli mütəxəssislər
nəticələrin dəqiq və vaxtında alınmasını təmin edir.
İlk dəfə olaraq Azərbaycanda N. Tusi adına Klinikada müasir
PZR diaqnostikanın bütün tələblərinə cavab verən şöbə
yaradılmışdır. Burada bütün növ hepatitlər və digər
infeksiyalar “Real Time” rejimində hibridazision-flüoressent
deteksiya üsulu ilə təyin edilir (xlamidioz, mikoplazmoz,
herpes, sitomeqalovirus, trixomoniaz, ureaplazmoz,
papillomavirus).
B və C hepatitlərinin dəqiq diaqnostikası üçün tam
müayinə tsikli yaradılmışdır. Laboratoriyada törədicinin
nəinki genetik tərkibi eyni zamanda müayinə olunan
materialda miqdarını da təyin etmək mümkündür (kəmiyyət
PZR-i). Respublikamızda ilk dəfə olaraq yalnız bizim
Klinikada Hepatit C-in genotipi təyin olunur.
Rahat prosedur kabineti, təcrübəli tibb bacıları tam olaraq
sizin xidmətinizdədir. Hər bir pasiyent qangötürmənin vakuum
sistemi sayəsində istədiyi müayinə üçün tez və ağrısız qan
verə bilər.
Bir çox analizlərin cavabını elə həmin gün Klinikada almaq
olar, həmçinin pasiyentin istəyindən asılı olaraq cavablar
faksla və ya elektron ünvanına da göndərilə bilər.)
|
