N. Tusi adına Klinikanın ultrasəslə müayinə kabineti premium klass Philips iU22xMATRİX rəqəmli ultrasəs sistemi ilə təchiz olunmuşdur. Bu sistem unikal funksional imkanlara malikdir.

xMATRİX texnologiyalı X6-1 Pure Wave ötürücüsü 9000-dən artıq aktiv elementlərə malikdir, bu ise adi USM-le müqayisədə 35 dəfə çoxdur. Matrix texnologiyası “texniki cəhətdən mürəkkəb” pasiyentlərdə belə çox dəqiq və yüksək keyfiyyətli təsvirlərin alınmasına imkan yaradır. iU22 xMATRİX sistemi 3 D təsvirlərini verməklə yanaşı muayinənin aparılma vaxtının qısaldılması və daha keyfiyyətli görüntülərin alınmasına imkan verir.

N. Tusi adına Klinikanın ultrasəslə müayinə kabinetində Philips iU22xMATRİX aparatı vasitəsilə qarın boşluğu orqanlarının (qaraciyər, öd kisəsi, mədəaltı vəzi, dalaq), kiçik çanaq orqanlarının (uşaqlıq, yumurtalıqlar, sidik kisəsi, prostat vəzi və s.) 2D və 3D rejimində müayinəsi aparılır.

Eyni zamanda yüksək həssaslığlı sayəsində matriks ötürücüsü vasitəsilə real zaman daxilində hamiləlik vaxtı ana bətnində dölün ürəyinin 3D rejimində təsvirlərini almaq mümkündür.

Live 3D/4D – real zaman daxilində 3 ölçülü təsvirlərin alınması. Bu metod həkimə daha dəqiq diaqnozun qoyulması və düzgün müalicə taktikası seçməyə kömək edi.

Dölün 3D/4D USM-i

3 ölçülü USM-in köməyilə həkim real zaman daxilində dölün təsviri və hərəkəti barəsində dəqiq informasiya ala bilir. Bu isə bətndaxili inkişaf dövründə mövcud ola biləcək anomaliyaları vaxtında aşkara çıxarmağa imkan verir. Gələcək ana keyfiyyətinə görə heç də fotoşəkildən geri qalmayan təsvir və videoyazı vasitəsilə körpəsini görmək imkanı qazanır.
Ətraflı...

Doppleroqrafiya

Bu metodun iş prinsipi doppler effektinə əsaslanır. Əks olunan siqnalların tezliyi qan dövranının sürətinə proporsional olaraq dəyişilir. Doppleroqrafiya qan-damar sisteminin müxtəlif hissələrində qan dövranının vəziyyəti barəsində dəqiq informasiya verir, arterial və venoz sistemdə əmələ gəlmiş pozğunluqları aşkar edir. Damarlarda əmələ gəlmiş stenozun dəqiq lokalizasiyasını göstərir. Hamiləlik vaxtı doppleroqrafiya vasitəsilə dölün qan dövranı, habelə cift və gobək ciyəsi barəsində dəqiq informasiya almaq olar. Döldə olan ürək qüsurlarını vaxtında aşkar etmək üçün doppleroqrafiya əvəzsiz bir metoddur.

Klinikamızda doppleroqrafiya bir neçə rejimdə həyata keçirilir:

• rəngli rejim, yüksək sürətli rəngli və energetik (o cümlədən iki istiqamətli) doppleroqrafiya
• toxuma doppleroqrafiyası rejimi
• fasiləsiz dalğalı doppleroqrafiya rejimi
• dupleks və tripleks variantlı impuls dalğalı doppleroqrafiya rejimi

N.Tusi adına Klinikada aşağıdakı orqan və sistemlərin USM-i aparılır:

• Qarın boşluğu orqanları
• Sidik-ifrazat sistemi orqanları
• Qadın cinsiyyət sistemi: uşaqlıq və yumurtalıqlar (transabdominal və transvaginal), follikulometriya (transabdominal və transvaginal), süd vəziləri
• Kişi cinsiyyət sistemi: prostat vəzi (transabdominal və transrektal), xayaların USM-i
• Endokrin sistem: qalxanabənzər vəzi, böyrəküstü vəzilər, pankreas, yumurtalıqlar, xayalar
• Ağız suyu vəziləri, limfa düyünləri, yumşaq toxumalar
• Dölün USM-i
• Dölün 3D/4D USM-i

Doppleroqrafiya:

• Yuxu arteriyalarının, vertebral arteriyaların, qarın aortası və onun şaxələri, yuxarı və aşağı ətraf arteriyaları və venalarının doppleroqrafiyası
• Süd vəzilərinin, qalxanabənzər vəzinin, qarın boşluğu və kiçik çanaq orqanlarının, böyrəklərin, xayalığın, kişi cinsiyyət üzvünün doppleroqrafiyası\
• Dölün qan dövranı sisteminin və plasentanın doppleroqrafiyası