Hazırda N.Tusi adına Klinikada Azərbaycanda ilk dəfə olaraq açıq tipli maqnit-rezonans tomoqrafiyadan istifadə olunur. Müasir AİRİS II (Hitachi, Yaponiya) açıq tipli kompüter tomoqrafı klaustrofobiyadan əziyyət çəkən pasiyentləri, eyni zamanda azyaşlı uşaqları qorxusuz müayinə etməyə imkan verir.

Maqnit-rezonans tomoqrafiyanın üstünlükləri:

• İnanılmaz dərəcədə yüksək diaqnostik effektivlik
• KT və rentgen diaqnostikadan fərqli olaraq rentgen şülanmasından istifadə olunmur, bu isə xəstənin şüalanması kimi yan təsirlərin olmamasını təmin edir.
• MRT zamanı hətta ölçüsü bir neçə millimetr olan obyektin təsvirini görmək olur, istənilən proyeksiyada təsvir əldə olunur.
• Bütün toxuma və orqanların vizualizasiyasının mümkünlüyü. MRT baş beyin və onurğa beyni, qaraciyər, mədəaltı vəzi, böyrəküstü vəzilər, kiçik çanaq orqanları və s. üzvlərin istənilən patologiyasını vaxtında aşkar etməyə imkan verir.

MRT vasitəsilə heç bir kontrast maddədən istifadə etmədən damarların və öd yollarının vizualizasiyasını almaq mümkündür:

• MRPXQ (maqnit-rezonans pankreatoxolangioqrafiya) – kontrast maddə olmadan öd yollarının və mədəaltı vəzi axarının 3 ölçülü təsviri.
• Magistral arteriyaların MR-angioqrafiyası – əlavə kontrastlaşdırma aparılmadan damarların təsviri.

N.Tusi adına Klinikada aşağıdakı müayinələr aparılır:

• Baş beyin MRT
• Hipofiz MRT
• Baş beyin damarlarının MR-angioqrafiyası (kontrast maddə olmadan)
• Boyun damarlarının MR-angioqrafiyası (kontrast maddə olmadan)
• Orbital MRT
• Parnazal MRT
• Kəllə əsası MRT
• Boyun nahiyəsi MRT
• Onurğa sütununun və onurğa beyninin boyun nahiyəsinin MRT müayinəsi
• Onurğa sütununun və onurğa beyninin döş nahiyəsinin MRT müayinəsi
• Onurğa sütununun və onurğa beyninin bel nahiyəsinin MRT müayinəsi
• Bud-çanaq oynağı MRT
• Diz oynağı MRT
• Oma-qalça oynağı MRT
• Abdominal MRT
• Pelvik MRT
• Böyrəküstü vəzilər
• Maqnit-rezonans xolangioqrafiya (konrast maddə istifadə etmədən)

MRT müayinəsindən keçmək üçün öncədən telefon vasitəsilə (431 35 31) qəbula yazılmaq lazımdır. Xəstə müayinəyə müalicə həkimi tərəfindən göndərilməlidir.

Pasiyentlərin nəzərinə:

• Müayinənin davam etmə müddəti 30-45 dəqidə çəkir.
• Öncədən MRT müayinəyə hazırlıq aparılmır.
• Göstəriş olduqda paramaqnit kontrast maddələrdən istifadə olunur.(bəzi sinir sistemi xəstəliklərinin diaqnostikasında). Əgər hər hansı bir paramaqnit kontrast maddəyə qarşı allergik reaksiyanız varsa tibb bacısına bu barədə məlumat verin.
• Azyaşlı uşaqlar medikamentoz sedasiya aparıldıqdan sonra müayinəyə götürülür.
• Müayinə zamanı tomoqraf maqnit sahələri generasiya edir. Buna görə də müayinədən öncə bütün metal əşyalar kənarlaşdırımalıdır.(diş protezləri, eşitmə aparatları və s.). Ferromaqnit döymələr (tatuirovkalar), kosmetik makiyaj təsvirin keyfiyyətinə mənfi təsir göstərir. Həmçinin dəridə də qızartılar əmələ gələ bilər.
• Əgər bədəninizdə kardiostimulyator, metal protezlər, damarlarda və ya daxili orqanlarda metal klipslər varsa bu barədə həkimə və ya tibb bacısına mütləq məlumat verin, çünki göstərilən predmetlər maqnit-rezonans tomoqrafiyanın aparılmasına əks göstərişdir.
• Hamiləliyin ilk 3 ayında MRT müayinədən keçmək məsləhət görülmür.